ໃນຕອນເຊົ້າເວລາ 8:30 ນາທີຂອງວັນທີ 17 ຕຸລາ 2020 ທີ່ສະໂມສອນ ວຄປ ໄດ້ຈັດພິທີຮັບສະມາຊິກເຍົາວະຊົນ-ອະນຸຊົນທັນວາ ໃຫ້ກຽດເຂົ້າຮ່ວມໃນພິທີຄັ້ງນີ້ໄດ້ແກ່ ສະຫາຍ ສົມໄຊ ເທບສົມບັດ ເລຂາຄະນະພັກຮາກຖານວິທະຍາໄລຄູປາກເຊ, ສະຫາຍ ໃຈສະຫວັນ ຈັນວັນຄຳ ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງຈຳປາສັກ. ຈາກນັ້ນ, ຍັງມີພະນັກງານຈາກ ຊປປລ, ຄູ-ອາຈານ ແລະ ນັກຮຽນຈາກໂຮງຮຽນປະຖົມ ແລະ ມັດທະຍົມສາທິດເຂົ້າຮ່ວມ.
ທ່າມກາງບັນຍາກາດທີ່ທົ່ວພັກ ກອງທັບ ທົ່ວປວງຊົນລາວທັງຊາດ ພ້ອມອອກແຮງ ແຂ່ງຂັນ ສະເຫຼີມສະຫລອງວັນຊາດທີ 2 ທັນວາ ຄົບຮອບ 45 ປີ ທີ່ຜ່ານໄປບໍ່ພໍເທົ່າໃດ ມື້ນີ້ເຕັມໄປດ້ວຍຄວາມເບີກບານມ່ວນຊື່ນຂອງປວງຊົນຊົນລາວຊາດ ເວົ້າລວມ; ເວົ້າສະເພາະ ກໍຄືຊາວ ແຂວງ ຈຳປາສັກພວກເຮົາ ກຳລັງສຳເລັດກອງປະຊຸມໃຫຍ່ຂອງອົງຄະນະພັກແຂວງຈຳປາສັກ ຄັ້ງທີ 8. ສະນັ້ນ, ໃນໂອກາດອັນສະຫງ່າລາສີ ແລະ ມີຄວາມໝາຍ, ຄວາມສຳຄັນ ເຕັມໄປດ້ວຍຄວາມອົບອຸ່ນຈາກບັນດາທ່ານທີ່ໄດ້ເຂົ້າຮ່ວມງານການເປີດລະດູ ກິລາ - ສິລະປະ ປະຈໍາ ສົກຮຽນ 2020 - 2021 ຂອງວິທະຍາໄລຄູປາກເຊ
ເພື່ອເປັນການປະຕິບັດຕາມຫຼັດສູດການສຶກສາພາກທິດສະດີທີ່ຄຽງຄູ່ກັບພາກປະຕິບັດຕົວຈິງ ຄະນະຄູ-ອາຈານວິທະຍາໄລຄູປາກເຊໄດ້ນຳພານັກສຶກສາຄູປະຖົມ ປີທີ 4 ລະບົບ 12+4 ລົງສັງເກດ ແລະ ຝຶກສອນພາສາລາວໃຫ້ເດັກຊົນເຜົ່າທີ່ ໂຮງຮຽນປະຖົມຫ້ວຍຊາຍ, ປະຖົມຫົວເມືອງ ແລະ ປະຖົມທ່າແຕງໃຕ້ ເມືອງ ທ່າແຕງ ແຂວງ ເຊກອງ ໃນຄັ້ງວັນທີ 7-8 ທັນວາ 2020 ເຊິ່ງມີຄູອາຈານຈາກວິທະຍາໄລຄູ, ຜູ້ອຳນວຍການໂຮງຮຽນປະຖົມ, ຄູສາມັນ ແລະ ນັກສຶກສາຜູ້ເຂົ້າຮ່ວມທັງໝົດ 45 ຄົນ ແລະ ໄດ້ແບ່ງເປັນ 3 ກຸ່ມໃຫຍ່ລົງສັງເກດ ແລະ ຕິດຕາມແຕ່ລະໂຮງຮຽນ.
ວິທະຍາໄລຄູປາກເຊ ຖືເປັນກຽດໄດ້ຕ້ອນຮັບການມາຢ້ຽມຢາມ ແລະ ແລກປ່ຽນບົດຮຽນ ຂອງຄະນະຄູອາຈານວິທະຍາໄລຄູຄັງໄຂ ເຊິ່ງຊ້ອງໜ້າການເປັນປະທານຮ່ວມຂອງທ່ານ ພອນ ພູວັນໂນ ຜູ້ອຳນວຍການວິທະຍາໄລຄູປາກເຊ ແລະ ທ່ານ ວັນນີ ຢາງຈີມົວ ຜູ້ອຳນວຍການວິທະຍາໄລຄູຄັງໄຂ ຈັດກອງປະຊຸມແລກປ່ຽນບົດຮຽນກ່ຽວກັບການບໍລິຫານຄຸ້ມຄອງໂຮງຮຽນສາທິດ ແລະ ການນຳສະເໜີການວິໄຈເພື່ອພັດພັດທະນາການຮຽນ-ການສອນ ໃນຄັ້ງວັນທີ 8 ທັນວາ 2020 ທີ່ຫ້ອງປະຊຸມໃຫຍ່ວິທະຍາໄລຄູປາກເຊ
