ວິທະຍາໄລຄູປາກເຊໄດ້ຄັດເລືອກນັກຮຽນເຂົ້າຮຽນຄູຕາມ ມາດຖານການຄັດເລືອກນັກຮຽນຄູຄັດຈາກຄຳສັ່ງແນະນຳຂອງລັດຖະມົນຕີວ່າການກະຊວງສຶກສາທິການ ແລະ ກິລາ, ແຈ້ງການຂອງກົມສ້າງຄູກະຊວງສຶກສາທິການ ແລະ ກິລາ ຕາມມາດຕະຖານດັ່ງນີ້:
ກ. ດ້ານຄຸນສົມບັດ :
- ມີຫຼັກໝັ້ນການເມືອງແນວຄິດຊົນຊັ້ນຈະແຈ້ງດີ
- ມີຄວາມສຸພາບຮຽບຮ້ອຍ ມີມະນຸດສຳພັນດີ
- ມີຄວາມອົດທົນດຸໝັ່ນ ສຶກສາຄົ້ນຄ້າຮໍ່າຮຽນ ແລະ ອອກແຮງງານດີ
- ປະຕິບັດຕາມກົດໝາຍ,ລະບຽບການ, ມະຕິຄຳສົ່ງຂອງພັກລັດ ແລະ ໂຮງຮຽນວາງອອກ
- ມີຄວາມສະຫງວນມັກອາຊີບຄູ
- ບໍ່ຖືກຕັດອິດສະຫຼະພາບ ໃນຄະດີໃດໜຶ່ງມາກ່ອນ
ຂ. ດ້ານຄວາມຮູ້ພື້ນຖານ
- ຮຽນຈົບມັດທະຍົມຕອນຕົ້ນ, ຕອນປາຍ ຫຼື ທຽບເທົ່າມີປະກາສະນີຍະບັດຂອງຕົນເອງຖືກຕ້ອງຕາມລະບຽບການ ແລະ ມີຄະແນນສອບເສັງຈົບຊັ້ນສະເລ່ຍ ໃນລະດັບດີ.
- ຖ້າເປັນພະນັກງານຕ້ອງຮຽນຈົບສາຍສ້າງຄູໃນລະບົບໃດໜຶ່ງ, ມີໃບປະກາສະນີຍະບັດ ແລະໄດ້ຜ່ານການສິດສອນມາແລ້ວ 3 ປີຂຶ້ນໄປ
- ມີພອນສະຫວັນດ້ານໃດໜຶ່ງຍິ່ງດີ ເຊັ່ນ: ກິລາ, ສິລະປະ ວັນນະຄະດີ…
- ມີຄວາມຮູ້ພື້ນຖານດ້ານ ICT ແລະ ພາສາຕ່າງປະເທດໃດໜຶ່ງຍິ່ງເປັນການດີ
ຄ. ດ້ານສຸຂະພາບ
- ມີສຸຂະພາບແຂງແຮງ
- ມີສະຕິສຳປະຊັນຍະດີ
- ບໍ່ມີພະຍາດຕິດແປດ